Puisque.

 Le temps des cerises.

 aquarelle 

Puisque vivre en servitude,

Je debvois triste et dolent.

Bien heureux je me repute,

D’estre en lieu si excellent.

Mon mal est tant violent,

Mais Amour le veult ainsy

Veuillez en avoir mercy (bis)

Vostre beauté sans pareille,

Ne doibt prendre à desplaisir.

S’a l’aymer je m’apareille,

Car myeulx on ne peult choisir.

Si j’ay par trop de désir,

J’ay beaucoup de foy aussy

Veuillez en avoir mercy (bis)

Vous seule estes la Fortune

Qui mon heur va mesurant.

Si vous m’estes opportune,

Peu me chaut du demeurant ;

Sans vous je vis en mourant,

Et m’est le jour obscurcy.

Veuillez en avoir mercy (bis)